Екібастұз ГРЭС-2 станциясы баршаңызды 1 қыркүйек – Білім күнімен шын жүректен құттықтайды! Бұл мейрамның әрбір адам өмірінде алар орны ерекше. Білім баспалдағын алғаш аттағалы отырған бүлдіршіндерге ақ жол тілейміз.
Екібастұз ГРЭС-2 станциясы бірнеше жыл бойы “Мектепке жол” Республикалық қайырымдылық акциясына белсенді түрде қатысуда. Акцияның басты мақсаты – күнкөрісі төмен және көпбалалы отбасылардан шыққан оқушыларға, жетім балалар мен ата-анасының қамқорлығынсыз қалған балаларға жаңа оқу жылына дайындық кезінде көмек көрсету.
«2023 жылдың 1 тамызынан 1 қыркүйегіне дейін өткен акция аясында Солнечный кентінің 16 мектеп оқушысы-әлеуметтік қолдауға мұқтаж балаларға бір милионнан астам сомаға көмек көрсетілді. Цехтар мен бөлімшелердің қызметкерлері бірігіп, балалардың талап-тілектерін ескере отырып, киім-кешек, аяқ киім, мектеп керек-жарақтарын сатып алды», – деп атап өтті Басқарма төрағасының жалпы және әлеуметтік мәселелер жөніндегі орынбасары Гаухар Нұғманова.
Осылайша энергетиктер әр балаға қамқорлық танытып, көңіл бөліп, мектепке бастар жолы мейлінше қуанышқа толы, бақытты болуына өз үлестерін қосты.
