4 мамыр күні “Екібастұз ГРЭС-2 станциясы” АҚ ұйымдастыруымен және #28 Абай атындағы жалпы орта білім беру мектебінің алғашқы әскери дайындық пәні мұғалімі Ашимханов Жұман Жұмахановичтің басшылығымен Солнечный кентінде «АЙБЫН» әскери-патриоттық жиыны өтті.
Іс-шара 7 мамыр – Отан қорғаушылар күніне арналған.
Жиынға Екібастұз ауданынан 7 команда (Солнечный, Майқайын, Байет, Төртүй, Құдайкөл, Қарасор, Атығай) қатысты. Олар 15-17 жас аралығындағы мектеп оқушылары.
Жиынның негізгі мақсаты – жастардың бойында отаншылдық, патриоттық сезімдерін ояту. Қазақстан қарулы күштерінің қатарына шақыру. Салауатты өмір салтын насихаттау, тұлғалық жетілу, жастарды әскери қолданбалы және техникалық дайындыққа дағдылау.
Жеңімпаз командалар мен жекелей сайыстар бойынша орындар алған жастар дипломдармен және кубоктармен марапатталды.
