Дене шынықтыру-сауықтыру кешені кенттің ең ірі спорт инфрақұрылымы нысаны болып табылады, онда күніне 60-қа жуық адам жаттығады. Олардың арасында ГРЭС-2 станциясы қызметкерлері ғана емес, жергілікті тұрғындар да бар.
Бұл кешенді бүкіл Павлодар облысы үшін маңызды әлеуметтік нысанға айналдырады. Сонымен қатар, кешен жыл сайынғы спортакиада және жүзу жарыстары сияқты жергілікті спорттық іс-шараларды өткізу орны ретінде қызмет етеді.
Екібастұз ГРЭС-2 станциясы қызметкерлеріне, Солнечный кентінің жасөспірімдері мен халықтың осал топтарына арналған сабақтар тегін өткізіледі, бұл жобаның әлеуметтік маңыздылығын көрсетеді.
Күрделі жөндеу жұмыстары «Samruk-Kazyna Trust» әлеуметтік жобаларды дамыту қорының толық қаржылық қолдауымен жүзеге асырылуда, ол жұмыстың барлық шығындарын өз мойнына алды. Жобаны жүзеге асыруға «Асыл Ғалам» қоғамдық қоры көмек көрсетуде.
Күрделі жөндеу жұмыстары аясында бассейннің жылу жүйесі, сумен қамтамасыз ету және сүзгілеу жүйесі, ішкі үй-жайларды кондиционерлеу және желдету жүйелері ауыстырылады. Ғимараттың іші мен қасбетін жөндеу жұмыстары қарастырылған.
«Samruk-Kazyna Trust» Әлеуметтік жобаларды дамыту қоры бұқаралық спортты дамытуға, салауатты өмір салтын насихаттауға және халықтың әлеуметтік осал топтарының өмір сүру сапасын жақсартуға ауқымды үлес қосуда.
