Ағымдағы жылдың 3 мамыры күні Екібастұз ГРЭС-2 жастар активі Солнечный кентінің Жеңіс саябағының аумағында жыл сайынғы дәстүрлі шырша көшеттерін отырғызды. Бұл бастама Жеңіс күніне орайластырылған.
Станцияның жас қызметкерлері болашақта отырғызылған ағаштарға мұқият күтім жасайтын болады.
“Бұл акция кент тұрғындары жалғастыратын жақсы дәстүрге айналады деп үміттенеміз. Мұндай іс – шаралар экологиялық мәдениетті қалыптастыруға ықпал етеді”,-деп атап өтті ГРЭС-2 жастар активінің мүшелері.
