Ұлы Жеңіс күні мерекесіне орай Екібастұз ГРЭС-2 станциясы қызметкерлері Екібастұз қаласы және Солнечный кентінде Жеңіс саябағында бабалар рухына тағзым етіп гүл шоқтарын қойды.
Жеңіс күні – ерекше мейрам. Ол еліміздің халық бірлігі, тыныштығы мен тұрақтылығы сынды басты жетістіктерінің маңыздылығын атап көрсетеді.
Сондықтан да халық ұзақ күткен Ұлы Жеңісті жақындатуда майданда да, тылда да жанқиярлықпен күреске түскендердің барлығы айрықша құрметке ие, қаза тапқандардың рухына тағзым етеміз.
Ерлікке толы тарихи күнде Сіздерге зор денсаулық, ұзақ ғұмыр, бейбіт өмір, отбасыларыңызға құт-береке мен ырыс-ынтымақ тілейміз.
Бір шаңырақ астында Тәуелсіздігіміз тұғырлы, аспанымыз әрдайым ашық болып, Қазақ елі өркендей берсін!
