Электр энергиясын қалай алады, электр генераторының турбиналары қалай жұмыс істейді, электр станциясында кім жұмыс істейді – Павлодар қ. Назарбаев Зияткерлік мектебінің оқушылары Екібастұз ГРЭС-2-ге экскурсия барысында осы және басқа да сұрақтарға жауап алды.
НЗМ жоғары сыныптарының 40 оқушысы кәсіпорын жұмысымен танысты. Экскурсия гидтері жетекші инженер Андрей Сайфутдинов және жастар активінің төрағасы Жәнібек Мұхаметқалиев бастаған ЭГРЭС-2 Техникалық басқармасының өкілдері болды. Оқушыларға станцияның негізгі цехтары мен бөлімшелерінің жұмысы және электр энергиясын өндіру кезеңдері туралы айтылды.
“Экскурсия қызықты өтті, мен елдегі ең ірі энергия кәсіпорны қалай жұмыс істейтіні туралы көптеген қызықты нәрселерді білдім”, – деп Павлодар қ. НЗМ 10 сынып оқушысы өз әсерімен бөлісті.
Экскурсия “Рухани жаңғыру: болашаққа бағдар” бағдарламасын, сондай-ақ “Туған елге тағзым” мектеп зерттеу-өлкетану экспедициясын іске асыру шеңберінде өтті. Осылайша, кәсіпорын өз қатарына талантты жастарды тартады, олар – энергетикалық компанияның болашағы.
