Екібастұз ГРЭС-2-де энергохолдинг ЕТҰ-да еңбекті және қоршаған ортаны қорғау мәселелеріне жетекшілік ететін құрылымдық бөлімшелер басшыларының қатысуымен семинар-кеңес өтті.
Іс-шара 28 қазан күні “Самұрық-Энерго” АҚ еңбекті және қоршаған ортаны қорғау Департаментінің директоры Төлеген Максиловтың басшылығымен өтті. Онда 3 тоқсанның қорытындысы және 2021 жылдың алдын ала қорытындысы бойынша еңбек қауіпсіздігі және еңбекті қорғау қызметтері басшыларының есептері тыңдалды.
“Өндірістік жарақаттану мен кәсіби аурулардың алдын алу «ЕГРЭС-2 ст.” АҚ үшін – қызметтің басым бағыттарының бірі болып табылады. Біз үшін ең бастысы-адамдардың санасын өзгерту және қауіпсіздік мәдениетін дамыту, қызметкерлердің еңбекті қорғау – ең алдымен әрбір жеке қызметкердің жауапкершілігі екенін түсінуіне мүмкіндік беру. Бұл олардың денсаулығын, кейде өмірін сақтауға көмектесетін ережелер”, – деп атап өтті Екібастұз ГРЭС-2 Басқарма төрағасы Дәурен Сағидолла.
“ЕГРЭС-2 ст.” АҚ өнеркәсіптік қауіпсіздік, еңбекті және қоршаған ортаны қорғау басқармасының басшысы Мұрат Байтеміровтың деректері бойынша 2021 жылғы 9 айда кәсіпорында 1 жазатайым оқиға есепке алынды, 19 оқиға (технологиялық бұзушылық – 12, микротраума – 3, ықтимал қауіпті оқиғалар – 4) тіркелді. Қауіпсіздік техникасы күндерін өткізгеннен кейін анықталған ӨҚТ бұзушылықтарын талдаумен 9 жедел кеңес өткізілді. 2021 жылдың ақпан, мамыр, тамыз айларында 4 жедел ауысыммен аварияға қарсы және өртке қарсы 3 бірлескен станциялық жаттығулар өткізілді. SKE.01.01.P жобасы аясында әзірленген Қоғамның корпоративтік стандарттарының орындалуы қамтамасыз етіледі. SKE.01.02.P “қауіпсіз өндіріс” пилоттық жобасын іске асыру бойынша жұмыс жалғасуда. Барлық енгізілген жобалар қауіпсіздік мәдениетін дамытуға бағытталған.
Кеңес қорытындысы бойынша Төлеген Максилов “Самұрық-Энерго”АҚ компаниялар тобында еңбекті және қоршаған ортаны қорғау мәселелерін басқару бойынша іс-шараларды орындау бойынша қызметтер басшыларының алдына бірқатар нақты міндеттер қойды.
Іс-шара “2021 жылға арналған “Самұрық-Энерго” АҚ компаниялар тобындағы Еңбек және қоршаған ортаны қорғау мәселелерін басқару жөніндегі іс-шаралар жоспарын” іске асыру шеңберінде өтті.
