Жақында ғана энергетика ардагері, “Екібастұз ГРЭС-2 станциясы” АҚ зейнеткері Садықов Әнуарбек Садықұлы өзінің 80 жылдық мерейтойын атап өтті. Әнуарбек атаның балалары мен немерелері сүйікті әкесі мен атасына сыйлықтар, шарлар, музыка тарту етіп, тіпті үйін шежіре ағашымен безендірді.
Қоғамның кәсіподақ комитеті де шетте қалған жоқ. ГРЭС-2 ардагерлер кеңесінің төрайымы Гүлфия Ахмедовамен бірге кәсіподақ комитетінің төрағасы Сәуле Галеева құрметті ақсақалға барып, мерейтойымен құттықтап, Басқарма төрағасы Дәурен Сағидолланың құттықтау хатын табыс етті. Әнуарбек Садықұлы станцияда аз уақыт жұмыс істегеніне қарамастан, ГРЭС-2-дегі еңбек жолын ақсақалдан мамандыққа деген махаббат пен еңбексүйгіштікті мұра еткен оның балалары мен немерелері жалғастыруда. Бүгінгі таңда Садықовтар отбасының ГРЭС-2 станциясындағы жалпы еңбек өтілі – 100 жылдан астам. Мұнда оның ұлдары Бекрахмет пен Бекмахмет, келіндері Айгүл мен Сәуле, күйеу баласы Ермұхан, немерелері Самал мен Махаббат, Әділ мен Айдос жұмыс істейді. Олардың барлығы “Екібастұз ГРЭС-2 станциясы” АҚ бастауыш кәсіподақ ұйымының белсенді мүшелері.
Әнуарбек Садықұлы жұбайы Клара Садықовамен бірге 12 баланы тәрбиелеп өсірді. Қазір атасы мен әжесінің 22 немересі мен 12 шөбересі бар.
“Отбасы үшін ғана емес, Отан игілігі үшін де өмір сүріп, еңбек ету керек, – деп санайды ақсақал. Көптеген жылдар бойы біз Солнечный кентінде тұрамыз. Туған жерімізді сүйеміз, мұнда біздің балаларымыз өсті, біздің қалыптасуымыз өтті. Балаларым мен немерелерімнің Энергетик болғанын мақтан тұтамын. Өйткені, бұл үлкен бақыт, маңызды іспен айналысатыныңды білу — жерлестеріңіздің үйлерінде әрдайым жарық пен жылу болуы үшін тынымсыз жұмыс жасайсың. Менің балаларым өте еңбекқор, олар қиындықтардан қорықпайды, өмірдің кез-келген мәселесіне әрқашан дайын. Мен оларды өте мақтан тұтамын”.
Энергетиктер отбасы тек жақсы өндірісшілер ғана емес, сондай – ақ өте талантты – ән айтады, музыкалық аспаптарда ойнайды, өлең оқиды, би билейді.
Әнуарбек – атаның немересі Самал Мұхамеджанова: “бізге музыкаға деген сүйіспеншілікті ата мен әжеміз сіңірді”,-дейді. – Бірде-бір отбасылық жиын әнсіз өтпейді. Біздің классиктеріміз Шәмші Қалдаяқовтың, Ескендір Хасанғалиевтің әндерін, қазақ халық шығармаларын да жақсы көреміз”.
Садықовтар отбасы-көптеген қалалық, облыстық және республикалық конкурстардың қатысушылары және жүлдегерлері. Олардың арасында “Мерейлі отбасы”, “Алтын жанұя” және т.б. бар. Олардың тегі әрдайым естіліп тұрады. Өйткені, отбасылық жетістіктер қоржынын немерелері мен немерелері толықтыруда. Музыкадан басқа, кіші Садықовтар спортпен, қолөнермен белсенді айналысады, ғылым мен білім беруде жетістікке жетуде.
Әрине, отбасылық еңбек әулеттері-кәсіпорынның мақтанышы. Энергетиктер ұрпағы өз білімі мен тәжірибесін, ең бастысы — мамандыққа деген сүйіспеншілігін және таңдаған жолына адалдығын бере отырып, өндірісте бірін-бірі алмастырады.
