6 және 7 ақпанда «Екібастұз ГРЭС-2 станциясы» АҚ қызметкерлерінің балаларына, яғни 5-8 сынып оқушыларына таныстыру экскурсиялары өтті. Аналары мен әкелері жұмыс істейтін үлкен кәсіпорынның шынайы тарихына қол тигізу жас қонақтарымыз үшін оң әсер қалдырды! Экскурсия балалар үшін қауіпсіздік техникасы бойынша нұсқаулық өткізіліп, ГРЭС-2 Басқармасының төрағасы Геннадий Клецтің сөз сөйлеуінен басталды. Станцияның жастар активінің өкілдері балаларға ГРЭС-2 туралы, түрлі мамандардың жұмыс ерекшеліктері туралы қызықты фактілерді айтып берді.
Экскурсияның ең қызықты бөлігі станцияны аралау болды, онда балалар алғаш рет түтін құбырын жақыннан көре алды. Әлемдегі алып мұржа жас келушілерді биіктігімен және көлемдігімен таң қалдырды. Станцияның әсерлі қондырғылары балалардың қауіпсіздігі үшін автобус терезелері арқылы көрсетілгеніне қарамастан, олардың таңданысы мен қуанышында шек болмады. Балалар үйдегі жарықтың қандай жолмен өндірілетінін білді.
Кішкентай қонақтардың бірі: «Бұл жерде мен ойлағаннан да керемет екен! Ия, біздің күніміз Сіздерге қатысты екен!» – деп ойын айтты.
Шағын саяхаттың соңы осы балалардың аналары мен әкелері күн сайын ас ішетін асханада шай ішумен аяқталды.
Іс-шара ГРЭС-2 әлеуметтік белсенділік кешені шеңберінде және «Самұрық-Қазына» АҚ қорының жастар саясатын дамыту шеңберінде ұйымдастырылды. Болашақта станция энергетика мамандығымен жақынырақ танысқысы келетіндер үшін осындай экскурсияларды жиі өткізуді жоспарлап отыр.
Бұл экскурсия өскелең ұрпақтың жүрегінде өшпес әсер қалдырып, балалардың мамандық таңдауына әсер етуі мүмкін, ал кей оқушы үшін Қазақстанның жетекші кәсіпорындарының бірінде болашақ еңбек жолының бастауы болады деп үміттенеміз.
